عرض غير قابل للرفض

هذه الجملة غيرت مفهومي في البزنس

شلون تسوي عرض “اوفر” وايد قوي بحيث محد يقول لك لا وياخذ شغلك وخدمتك

وايد أصحاب مشاريع يركّزون على “المنتج” أو “الخدمة” بروحها ولكن العرض هو الطريقة اللي تقدّم فيها منتجك والناس على اساسه تاخذ قرار وتشتري

فـ شلون تخلي العميل يحس إن العرض يسوى أكثر من السعر اللي يدفعه

مثال بسيط

تبيع دورة بـ 100 دينار لتطوير مشروعك

العميل يشوفها غالية بس إذا قلت له

١- راح تتعلم مهارة تقدر تزيد فيها ٤٥٪ من مبيعاتك

٢- كتاب مجاني فيه شروح تفصيلية وتطبيق عملي

٣- بتحصل على قوالب جاهزة تطبقها على مشروعك

٤- بتدخل قروب واتساب خاص للإجابة على أسئلتك

٥- اذا ما استفدت من الدوره، استرجع فلوسك كامله خلال اول ساعة من الدورة

اهني العرض يتغير كلياً

صارت ال ١٠٠ دينار ولا شي مقابل القيمة الي بتاخذها

مثال ثاني

تقدم خدمة وتقول فيها، بزيد مبيعاتك واوصلها ١٠٠ الف نهاية السنه، واذا وصلت، راح اخذ عمولة ٣٠ الف دك ؟

اكيد موافق ليش لا ! شنو بخسر؟ بتزيد مبيعاتي بدون اي تكلفه علي ؟

عرضك لازم يكون وايد قوي بحيث محد يفكر يقولك لا

الفكرة

الناس ما تدفع على “الشي نفسه”، تدفع على القيمة الي يحسون فيها وظيفتك ترفع هذه القيمة، وتخلي العرض صعب ينرفض

قبل ما تنزل أي منتج أو خدمة، اسأل نفسك شلون أخلّي العرض قوي…؟

شلون أخلّي العميل يحس “إذا ما شريت الحين… بطوفني الفرصه، ومو خسران شي خل اجرب

اتعب على الاوفر، اهو بداية العلاقه بينك وبين الناس، وعلى اساسه يصيرون عملائك

اتمنى لك كل التوفيق والنجاح يارب

اخوك

شرايك بنشرة اليوم ؟

اذا مالحقت على كل نشراتنا من البداية، اضغط هنا وشوفهم

واذا تعرف احد بفيده هذا المحتوى لا تبخل عليه بالفائدة وشاركه بهذا الايميل

واذا هذه النشرة واصلتك من صديق، اشترك الان مجاناً ليصلك جديدها