اعرفكم على اخونا الغالي عبدالعزيز العبيد، رجل اعمال وصاحب عدة مشاريع تجارية. قبل ٦ شهور تواصل مع فريق منصة مُشتري وقرر يشتري ويستحوذ على مطبخ مركزي جاهز بالكامل. المشروع كان يخسر من ٥٠٠ لغاية ١٠٠٠ دك شهرياً والمبيعات ماتعدي 2000 دينار كويتي في الشهر

ولكن اليوم !!!! وبعد مرور ستة شهور من الاستحواذ، المبيعات طارت لي 5000 و7000 دينار كويتي، والأرباح شهرياً وصلت حوالي 2000 دينار كويتي. قاعد نتكلم عن ٣-٤ اضعاف المبيعات و ٣٠٠٠٪ زياده في الارباح

السؤال شلون صار جذي ؟ شنو سوه وشنو اشتغل عليه الي غير هذه الارقام ؟ وهل كان يدري ان هذه بتكون خطوه صحيحه وموفقه له ؟ هل كان مخطط لهذه الأرقام ؟ وااااايد اسئلة ممكن تخطر على بالنا فـ عشان جذي قررت اسوي مقابلة سريعه مع عبدالعزيز (بونجاة)

ابيكم توقفون قراءة الحين وتشوفون الحلقة كاملة ١٠ دقايق تقريباً، راح تفيدكم واايد حق خطتكم للاستحواذ

وبعدها كملوا قراءة

خلونا نختصر الدروس المستفيده من بونجاة

١- حرص أن يكون في جهة وطرف ثالث محايد ينظم ويضمن له عملية الاستحواذ والشراء 

٢- درس الهوية التجارية وعدل عليها وتأكد ان قاعد يستهدف الفئة الصحيحة 

٣- حافظ على طلبات العملاء الموجودين قبل الاستحواذ وانشئ هوية تجارية جديدة يستهدفهم فيها ف صار يبيع لهم منتجين مختلفين من نفس المطبخ ف زايد المبيعات بشكل كبير.

٤- استثمر في التسويق بشكل كبير لانه مؤمن أن التسويق اساس نجاح المشروع ولازم الناس تعرف عن المنتجات

و بجذي قدر عبدالعزيز يقلب أرقام هذا المشروع وصار يدخل له ارباح شهرية خلال أشهر من الاستحواذ وصار المشروع الي شراه بـ ١٥ الف دك صارت قيمته تسوى ٣٥ الف دك … ما شاء الله

تتوقعون هل صج عبدالعزيز راح يبيع مشروعه وفي احد ثاني بياخذه ويستحوذ عليه ويطوره أكثر متحمسسين نشوف

وهذه كانت نقصة من بونجاة لفريق مُشتري الي ساعده في الاستحواذ ونجاح هذه الصفقة

اتمنى نشوف قصص ونجاحات اكثر واكبر يارب في وطنا العربي

والي عنده قصة نجاح اتمنى يشاركني فيها وبكون جداً فخور وسعيد في معرفة تفاصيلها وتغطيتها

اخوكم

!خلك واصل

 واصل عبارة ​عن مجتمع متخصص لأصحاب المشاريع والمستثمرين وفيه يتبادلون خبراتهم وافكارهم وخططهم الاستثمارية

شبكة واسعة من المستثمرين والمشترين

مشاريع وفرص استثمارية حصرية

دليل شامل لموارد وادوات تفيدك