أغلبنا لما نفكر نبدأ مشروع جديد، نبدأ بالتخطيط والتفكير في كل التفاصيل، وهذا طبيعي ولكن بعض الناس يخططون ويخططون... وللأسف ما ينفذون ولا خطة. ليش؟ لأن كثرة التخطيط أحياناً تخليك تضيع وتخاف من أول خطوة، تظل متردد بين الأفكار، لين ما تصير الفكرة مجرد حلم، وتبقى خايف من الفشل

شلون كثرة التخطيط يأثر على نفسيتك؟

تخيل نفسك كل يوم تكتب خطط بدون تطبيق. هذا الشيء راح يسبب لك توتر، لأنك قاعد تفكر في كل السيناريوهات السلبية، وتخاف من كل الاحتمالات اللي ممكن تصير، لكن الحقيقة؟ أغلب هذه السيناريوهات ما راح تصير أصلاً، الدراسات النفسية تقول إن التخطيط بدون تنفيذ فعلي يرفع مستوى القلق، ويخليك تشك في قدراتك

شنو الحل يا عبدالله؟

الحل إنك تقول بسم الله وتبدأ بخطوة بسيطة وصغيرة. نفذ جزء من فكرتك وجرب شيء عملي. مو لازم يكون المشروع كامل أو مثالي من البداية. التطبيق العملي يعلّمك أكثر من أي خطة مكتوبة، ويعطيك الثقة اللي تحتاجها. بدل ما تظل تخطط بشكل كبير، اخذ خطوة واترك التجربة هي اللي تطورك. الواقع مختلف تماماً عن النظريات والخطط المكتوبة

هل يعني التخطيط شي سيئ؟

لا طبعاً، التخطيط مهم، ووايد مهم بعد. لكن المشكلة لما تصير مهووس بالتفاصيل الصغيرة قبل ما تبدأ! الحل هو تخطيط معقول، خطوة بخطوة، مرحلة بمرحلة. التطبيق هو اللي يعطيك النتايج الفعلية ويبين لك وين الغلط وين الصح وبعدها تبلش تخطط بشكل اكبر واعمق

دورة النجاح

ركز معاي بهذه!! كل ما زاد عندك الطموح، كل ما راح تبدأ تأخذ خطوات وقرارات. وكل خطوة تنفذها، راح تشوف نتائج. وكل ما تشوف النتائج، يزيد إيمانك بنفسك، وهكذا تكمل دورة النجاح في الحياة: الطموح يولد خطوات، والخطوات تولد نتائج، والنتائج تعزز الإيمان وتدور العجلة

لكن منو اللي ينجح أسرع؟ الشخص اللي ما يحسب حسابات وايد ويدووووس في التنفيذ والتعليم والتكرار والاستمرار كل يوم

أكيد مو قصدي ما تسوي حسابات نهائياً! الأمور القانونية والمالية مهمة، لكن كثرة التركيز على التفاصيل الصغيرة تخلّيك تتردد. لما تدخل في شي وما تكون فاهمه وايد راح تبتدي تشك في نفسك وقدراتك ويخليك تترد أنك تأخذ خطوتك الأولى وتبتدي ! وترجع تعيد حساباتك وتظل معلق في هذه الدوامة

صدقني راح تكون أسرع واحد ياخذ قرارات اذا ما دققت وايد لأنك ببساطة ركزت على الأشياء المهمة و ما حطيت توقعات! وهذا بيخليك تجرب وتتعلّم وتنجح بشكل أسرع من الي قاعد يحسبها للحين

شلون اسوي مشروع ناجح ؟

عشان نساعدك في التخطيط السريع واتخاذ القرار، مجهز لك ورشة مجانية حضورية لاول مرة، تساعدك

١- شلون تختار المشروع المناسب لك

٢- تمارس اسرار نجاح المشاريع (تسويق ومبيعات)

٣- شلون تسوي مشروع من غير راس مال ومخاطره قليلة

٤- شلون تشتري مشروع بالطريقة الصحيحة وأمنه

٥- شلون تحصل على تمويل ومستثمر لمشروعي

٦- تعرف شنو الاغلاط الي لازم اتجنبها في المشاريع

موعدنا

يوم السبت ٢٦ اكتوبر ٢٠٢٤ - حضوري

الساعة ٧:٣٠ مساءً - بتوقيت الكويت

💙 الحضور مجاناً لجميع المبادرين والطموحين

مقدم الدورة، أخوك عبدالله، شريك مؤسس والمدير التنفيذي لمنصة مُشتري

اذا عندك استفسار، تواصل مع الفريق اضغط هنا

!خلك واصل

🌍 اول مجتمع متخصص في بيع وشراء المشاريع التجارية في وطنا العربي

بناء علاقات وخبرات

مشاريع وفرص استثمارية حصرية

دليل شامل لموارد وادوات تفيدك

اتمنى لك كل التوفيق والنجاح يارب

اخوك

شرايك بنشرة اليوم ؟

اذا تعرف احد بفيده هذا المحتوى لا تبخل عليه بالفائدة وشاركه بهذا الايميل

واذا هذه النشرة واصلتلك من صديق، اشترك الان مجاناً ليصلك جديدها