مساء الخير يا مُبادر

كل يوم اقابل عشرات من اصحاب المشاريع وانا عايش بينهم اعرف شنو يحسون فيه ومن شنو يعانون وهذا حالي من سنين في هذا المجال

الي ابي اقولك ياه اني اكتشفت ان اغلب المشاريع يعامل العملاء كـ ١+١ = ٢ وهذا اساس ضياع المشاريع

في ريادة الاعمال وفي رحلة نجاح المشاريع في واااااايد اسرار اهيا تنجح مشروع وتطيح مشروع

بختصار لازم تفهم شعور عميلك و تخدمة على اساسه (ادري بتقول اوكي! شنو يعني وشلون افهمه)

تخيل معاي تدخل على دكتور وتقوله احس اني مريض وتعبان، فـ يفحصك ويقولك اي فيك سخونه، شنو تبي اي دواء ؟ بانادول ولا فلودركس ؟

بديهي شنو بتقول في عقلك الباطن ؟ منو الدكتور انا ولا اهو ؟ بعدها راح تفقدك ثقتك بهذا الدكتور وتذم فيه وتروح حق الي بعده

هل كان بس همه يبيعك الدواء ولا يخدمك عشان ترتاح ؟

قصة محمد

قبل ٣ اشهر، اتصل علينا محمد وطلب استشارة مستعجلة، ورتبوا له الفريق استشارة معاي خلال اسبوع

محمد: انا عندي تطبيق الكتروني قاعد ابيع زين ولكن مو قادر ازيد المبيعات واحس اني متعلق وادري مشكلتي اني مو قاعد انزل شي بالسوشيل ميديا

رحت اكثر من شركة تسويق يمسكون الحساب ولكن ماصار شي ماشفت نتيجة

رحت دبرت مبلغ وحطيت اعلانات بالشوارع!!!! وتبخروا الفلوس ولا زادت مبيعاتي

انا

محمد: كل ما اروح شركة اقولهم شنو يسون وشلون يشتغلون ولا احد قدر يفهمني

مابي اطولها عليك، بختصار محمد قاعد يبيع ٣ اضعاف مبيعاته بسبب ان حصل احد يخدمة من قلب مو احد يبيعه مسكن وكلام وكانت مشكلته ان يحتاج يطبق اهم سر من اسرار التسويق عشان يستحوذ على عملاء جدد والي اهيا “عرض غير قابل للرفض” تأكد ان في تكتيكات بسيطة تفرق في رحلة نجاح مشروعك

الي سويته مو سحر! ولا شي صعب! الي صار ببساطة اني سمعت الي اهو يبيه بس عطيته الي اهو يحتاجة وخدمته من قلب

الخدمة مقابل التلبية

في فرق كبير بين اني اخدمك وابيعك

 ابيعك يعني اعطيك الي تبيه حتى لو ماكانت تحتاجة، كنت اقدر اقول لمحمد تعال اضبط حسابك بالسوشيل ميديا وسعر ارخص من باجي الشركات

بس النجاح الحقيقي يوم انك تخدم عميلك وتعطيه صج الي يحتاجة حتى لو ماكانت عندك الخدمة، ساعدة يحصلها بمكان ثاني لان هذا بيرجع عليك بالمدح والدعاء والرزق في المستقبل

يمكن قاعد تقول بقلبك الحين شدعوه، يبا في اشياء وايد اهم …. صح في اشياء مهمه بس النوايا وتجربة العميل صدقني اهيا نجاحك، من يحصل الخدمة ويقول يعطييك الف عافيه على هذه الخدمة والتجربة

ولا تبي تصير مثل الشركات الي قال عنها محمد فاشلة وذم فيها جدام الكل ؟

ويا حلو كلمة انت غيّرت حياتي، وهذه ما تيي الا بعد خدمة من قلب وليس بيع

بالختام

اليوم انا والفريق عندنا مسؤولية تجاة كل مُبادر طموح وقاعدين نسعى ونجتهد ليل ونهار عشان نقدم افضل خدمة وافضل حل لكل مُبادر وصاحب مشروع

الحمدالله وبفضل من الله قدرنا نجهز ونرتب لك دورات مكثفة ومتخصصة ان انت في بدايات رحلة انطلاقتك في ريادة الاعمال ومشروعك التجاري او في منتصف الطريق وفي مرحلة التطوير والتوسع

الدورات متقسمة كالاتي

شلون تأسس مشروعك من الصفر

بنتعلم الدرب الصحيح لتأسيس مشروع واهم المتطلبات والخطوات وبنتعلم شلون نختار فكرة وشريك وشلون ندرس السوق والارقام واكثرررررر

شلون تطور مشروعك وتزيد مبيعاتك

بنتعلم اسرار التسويق الي من خلالها راح تييب عملاء اكثر وتزيد مبيعاتك والاهم شلون تخلي عميلك يشتري منك اكثر من مرة ويصير لك عميل دائم

شلون تبيع وتشتري مشاريع بأمان

هذه تعتبر اول دورة في وطنا العربي المتخصصة في شرح خطوات بيع وشراء المشاريع من باب خبرة سنين في هذا المجال وبيع اكثر من ٢٠٠ مشروع تجاري والي بنتعلم فيها شلون تشتري وتبيع مشروعك بأمان وافضل طريقة وشلون تقييم المشروع وتفحصه وغيره من خطوات وتكتيكات وايد مهمه

تحصل كل التفاصيل في رابط التسجيل

اذا عندك استفسار، تواصل مع الفريق اضغط هنا

اتمنى لك كل التوفيق والنجاح يارب

اخوك

شرايك بنشرة اليوم ؟

اذا تعرف احد بفيده هذا المحتوى لا تبخل عليه بالفائدة وشاركه بهذا الايميل

واذا هذه النشرة واصلتلك من صديق، اشترك الان مجاناً ليصلك جديدها