بالنظر الموضوع سهل ولكن بواقع تأسيس مشروع وضبط اداراته وايد صعب وفي تحديات كبيره في البدايات ونسبة فشل بالمشروع تزداد نسبتها سنه عن سنه في اول الـ ٥ سنين ومن بعدها المشروع يشيل نفسه

انزين شنو قاعد يصير في اول سنين وليش هذا خطر ؟

١- السنة الاولى

كل صاحب مشروع ضايع في التأسيس والتكاليف ويحاول يبيع بأي طريقة فـ يواجه صعوبة في التسويق وابراز هويته التجارية بين المنافسين 25 -30 ٪ ما ينجحون في هذه المرحلة

٢- السنة الثانية

التحديات الماليه تزيد شوي، لان راح يتم صرف كاش اكثر على التسويق والبحث عن عملاء لرفع مبيعات الشركة. 50٪ يخرجون من السباق في هذه المرحلة

٣- السنة الثالثة الى الخامسة

في هذه المرحلة، تبلش تحديات والمشاكل الإدارية والتوظيف والصعوبة في زيادة المبيعات والحفاظ على تكاليف منخفضة وثابته واحتماليه دخول منافسين اكثر في السوق مما يزيد صعوبه المنافسه والتميز. 75٪ - ٪90 ما يعدون هذه التحديات ويغلقون مشاريعهم او يتم تغير عمل المشروع الاساسي

٤- بعد السنة الخامسة

معظم الأحيان الشركة تستقر بالتكاليف والمبيعات ومن بعدها تحتاج الى التطوير المنتج وتوسع نطاق العمل لرفع المبيعات واستحواذ اكبر على السوق

هل لازم تعيش هذه المرحلة والمخاطر وتمر فيها ؟

طبعاً لا

الحل نشتري مشروع جاهز، نجح في اختبار السنين الخمس الأولى وعنده عملاء ومبيعات وخطط واضحة ما تحتاج أفكار وتبني توقعات وخطط ماليه واستراتيجية ممكن تنجح وممكن لا

دراسة من جامعة هارفورد تقول ان المشاريع الي عدت مرحلة ٣-٥ سنوات تكون فرص نجاحها بالمستقبل أكبر بضعفين من المشاريع الجديدة لانهم عدوا صعوبات وتحديات البدايات، عدلوا على خططهم، واستقروا بالسوق.

انزين وين وشلون ادور على مشروع جاهز وشلون اشتري ؟

عندي لك ورشة مجانية نتكلم فيها عن شراء وبيع المشاريع

١- ليش اشتري مشروع

٢- شلون اشتري مشروع

٣- متى اشتري مشروع

٤- شنو المشروع الي اختاره وشلون اقييمه

٥- فقرة الاسئلة فيها بنجاوب على كل تساؤلاتك ان شاء الله

اخذ هذه الخطوه وانا معاك

واذا عندك استفسار، ارسل على هذا الايميل

اتمنى لك كل التوفيق والنجاح يارب

اخوكم

!خلك واصل

 واصل عبارة ​عن مجتمع متخصص للمبادرين واصحاب المشاريع والمستثمرين وفيه يتبادلون خبراتهم وافكارهم وخططهم الاستثمارية

بناء علاقات

مشاريع وفرص استثمارية حصرية

دليل شامل لموارد وادوات تفيدك