شلون ازيد مبيعاتي

قبل جم يوم شفت فيديو عجيب لستيف جوبز، من مؤتمر أبل سنة 1983

ستيف كان يقول

أبل استراتيجيتها بسيطة جدًا، نبي نسوي جهاز كمبيوتر بحجم كتاب، تقدر تشيله معاك وين ما تروح

طبعاً قاعد يسولف عن الابتوب والتلفون اللي قاعد تقرا منه هذه النشرة الحين

بس المشكلة! وقتها كان مستحيل تقنيًا، فقال عندنا 3 خيارات

١- نقعد وما نسوي شي

٢- نسوي أي جهاز مثل غيرنا

٣- نرسم ونصمم الجهاز الي نحلم فيه حتى لو حجمه كبير وغالي بس ناخذها خطوه خطوه بالتطوير

قالوا بسم الله وخذوا اول خطوه

صنعوا اول جهاز سعره ١٠ الالف دولار وسمه ليزا

وثاني خطوه، صغروه شوي وصار ب ٢٥٠٠ دولار

وثالث خطوه، وصلوه لحجم كتاب وصار سعره اقل من ألف دولار

الحين ادري بتقول بييه هذول أبل يا عبدالله عندهم فلوس ونفوذ فـ طبيعي ما نقدر نصير نفسهم

ما ابي نصير نفسهم، ابي نفكر نفسهم بس من ناحية تحديد اهداف وتخطيط وتنفيذ على مراحل، مو مهم شنو منتجك، المهم عقليتك واصرارك واستمرارك في التطوير والتنفيذ والتعليم وبعدها كل شي بتسوية اكيد بينجح مهما كانت الخدمة او المنتج

الزبدة

خذها من اخوك الي جرب سنين وغلط عشرات ومئات المرات، مو مهم تكون فكرتك مثالية من البداية، المهم ان تأخذ خطوة بفكرتك وتخطيطك وتستمر في تقديم خدمتك وتطويرها حسب وضع وطلب السوق

وايد ناس ما تخطط لخطواتها القادمة ويدورون في نفس الدائرة، يعيدون نفس المحاولات بدون أي تغيير يعني ببساطة يسوون نفس الفعل ويتوقعون ردة فعل ونتيجة مختلفة

مثلاً إذا حاب يزيد مبيعاته، أول شي يفكر فيه يقلل المصاريف! اوكي قللنا المصاريف وتالي؟ في خطه شلون تزيد مبيعاتك؟ بترجع لي نقطة الصفر

في إدارة أي مشروع، لازم في محفظتين، محفظة الخدمات الأساسية ومحفظة الأفكار والخطط القادمة، ليش؟ هذه راح اشرحها أكثر في دورة شلون تطور مشروعك وتزيد مبيعاتك

تبون تعرفون شنو أكثر ٤ أشياء اسمعها من أصحاب المشاريع وتقريبا اسمعها بشكل مستمر بكل استشارة وورشة أسويها؟

١- قاعد ابيع بس مافي فلوس بالحساب فـ مادري إذا ربحان او خسران

٢- أحس مشروعي متعلق ومخي واقف مو قادر ازيد مبيعاتي

٣- دفعت الالف حق إعلانات وتسويق وماشفت في فايدة ولا أثر معاي

٤- العميل يطلب مني مره وحده وما يرجع يطلب

كل هذه التساؤلات، انا فاهمها وفاهم شعورك وافهم شكثر إدارة مشروع عبارة عن لغز وطلاسم فـ عشان جذي واجبي اساعدك دام انا مريت فيها وعندي خلاصة وحل هذا الموضوع

جهزت لك دورة متخصصة في تطوير مشروعك وزيادة مبيعاته

باختصار، راح نتكلم عن اسرار التسويق والبيع، وشلون تطور مشروعك حبه حبه بشكل مدروس واحترافي الي بزيد من مبيعاتك بشكل أكبر والاهم شلون تستهدف عميلك يرجع يشتري منك أكثر من مره

هذه الدورة مو متوفره على طول فـ انصحك إذا متهم، سجل من الحين لان ما اوعدك تتكرر بعد فتره قريبة

اذا عندك استفسار، تواصل مع الفريق اضغط هنا

اتمنى لك كل التوفيق والنجاح يارب

اخوك

شرايك بنشرة اليوم ؟

اذا تعرف احد بفيده هذا المحتوى لا تبخل عليه بالفائدة وشاركه بهذا الايميل

واذا هذه النشرة واصلتلك من صديق، اشترك الان مجاناً ليصلك جديدها