أدري إن في وايد شباب ودهم يسوون مشروع مو موجود بالسوق، مشروع محد سواه من قبل لان يظنون ان الفكره اهم من التنفيذ والارقام وجم السوق

لازم تعرف إن أهم شي في المشروع مو فكرته المبتكرة، إنما حجم سوقه في العرض والطلب

أنت تبي مشروع عنده طلب، مشروع عند عملاء وين ما تروح، الطلب والعرض على خدماته أو منتجاته موجود، ف ماتبي تسوي مشروع واخر شي محد يشتري منك او يطلب خدمتك صح ؟ خصوصاً اذا تبي تبلش براس مال بسيط لان اي شي جديد على السوق يحتاج صرف كاش ووقت عالي عشان تسوق مشروعك وخدمتك وممكن ينجح وممكن مايصير عليه طلب

كل المشاريع والافكار موجودة بالسوق ؟

انسى الي يقولك السوق طفح افكار ومشاريع، التجاره عمرها ماتخلص والمشاكل عمرها ماراح تنتهي من حياة البشر !!!!! ركزلي على هذه

كثر ما حليت مشاكل في الحياة كثر ما مشروعك راح ينجح وينتشر اسرع ولكن اكيد عينك على تقديم افضل خدمة للعميل و وتسهيل العملية

الافكار ماتخلص، والاسهل تشوف مشروع قائم وعليه عرض وطلب كبير وتروح تسوي شي اسمه

Copy، Paste & Innovate

بختصار روح شوف مشروع عليه طلب كبير وشوف شنو المشاكل الي اهو مقصر فيها او مو مركز عليها وروح عالجها وطور عليها، مو شرط تخترع الية جديدة، الفكره مو تقليد المشروع لان عمر التقليد ماينجح، ولكن مهم يكون لك مصدر ألهام عشان تبتكر وتطور المنتج او الخدمة ومن خلاله تخدم مجتمعك واقتصاد وطنك بشكل اكبر وافضل

ممكن تطور على

١- المنتج: تطوير من حيث الالوان، المميزات، الجحم، وغيره

٢- التسويق: تحسن طريقة تسويقه تسوي خصم او تعطي شهر مجاناً او غيره من عروض تتميز فيها مثل ما شرحت لكم في النشرة السابقة

٣- المكان: تفتح في مناطق مختلفه، تستهدف جامعات مدارس او اماكن لها سوق اكبر وافضل

٤- السعر: تغير طريقة التسعير ممكن تزيد السعر وتحط قيمة افضل

٥- الاشخاص وطريقة التقديم: تبديل الاشخاص الي يمثلون المشروع ويكون لك واجهه مختلفه، على سبيل المثال شركة ريدبول

هل وصلت لك الفكرة ليش تشوفني أتكلم وااايد عن شراء المشاريع ؟

لان كلنا نبي مشاريع عندها عرض وطلب وعندها قاعدة عملاء وموظفين مدربين وعارفين الشغل والاهم من هذا كله مشروع يطلع كاش من اول يوم لان عنده مبيعات وناس تشتري منه، مانبي نسوي مشروع وماندري اذا يبيع او لا

في المشروع، لاتمشي ورا احساسك وتقول احس بيمشي وفكرتي قوية وبتفجر الدنيا 😄 امش ورا حجم السوق وحجم العرض والطلب

ف اذا شفت لك مشروع جاهز واموره جاهزه ويناسبك، هذه فرصتك اوعدك لان بتكون وفرت على نفسك شغل سنة من تأسيس وترخيص وتجهيز وتوظيف و حرق كاش بالتسويق وتشغيل يومي وانت مو عارف بتمشي الامور او لا، اكيد وايد ناس مشت معاهم ولله الحمد ووايد ناس ودعوا الملاعب 💔👨‍🦳

ابيك تعرف ان في عالم المشاريع

ماراح اخليك جذي محتار وانت بخاطرك تسوي مشروع

قاعد نجهز حق اول ورشة “حضوريه مجانية 😍” عشان نكون اقرب لك ونتكلم عن كل شي يدور براسك

١- شلون تختار المشروع المناسب لك

٢- شنو اهيا اساسيات واسرار نجاح المشاريع

٣- شلون اسوي مشروع من غير راس مال ومخاطره قليلة

٤- شلون اشتري مشروع بالطريقة الصحيحة وأمنه

٥- شلون احصل على تمويل ومستثمر لمشروعي

٦- شنو الاغلاط الي لازم اتجنبها في المشاريع

موعدنا للورشة الحضورية المجانية

يوم السبت ٢٦ اكتوبر ٢٠٢٤ - حضوري

الساعة ٧:٣٠ مساءً - بتوقيت الكويت

💙 الحضور مجاناً لجميع المبادرين والطموحين

مقدم الدورة، أخوك عبدالله، شريك مؤسس والمدير التنفيذي لمنصة مُشتري

اذا عندك استفسار، تواصل مع الفريق اضغط هنا

!خلك واصل

🌍 اول مجتمع متخصص في بيع وشراء المشاريع التجارية في وطنا العربي

بناء علاقات وخبرات

مشاريع وفرص استثمارية حصرية

دليل شامل لموارد وادوات تفيدك

اتمنى لك كل التوفيق والنجاح يارب

اخوك

شرايك بنشرة اليوم ؟

اذا تعرف احد بفيده هذا المحتوى لا تبخل عليه بالفائدة وشاركه بهذا الايميل

واذا هذه النشرة واصلتلك من صديق، اشترك الان مجاناً ليصلك جديدها